جيشت لي هاجس ___ قلم الشاعر / عصام علي السوادي

جيشت لي هاجس بلجناح والريش
وغيمن سرى من عالين ثم رشه

اسرجت خيل الحرف في وادي الطيش
ثم اعتلا حرفي ملك فوق عرشه

والله لولا عزة النفس والعيش
ماكان حرفي ميتن فوق فرشه
جري الربابه ياقصايد اغنيش
النايفه ماغمض الليل رمشه
نفوس ماتت لاتقلي على ايش
مغشيةً زيده من الضيق غشه
مقيده من دون قفل الكلابيش
عقول ماترقى على الفكر هشه
لو كان وصل النايفات المعاريش
سهل الوصل كان الردي زاد بطشه

فتحت قلبي للصحب __ قلم الشاعر / عصام علي السوادي

فتحت قلبي للصحب عدة أبواب

وسيرتي نحو الصحب خير سيره

حبيتهم من صدق والحب غلاب

أصحاب تشبه للنجوم المنيره
أشارك الصاحب همومه والأتعاب
وأبقى مع الصاحب بشره وخيره
وأسأل عليه وأتفقده كلما غاب
عبر إتصالي أورساله قصيره
بحور شعري موج عاصف وجذاب
قد خيمت باليابسه والخضيره
عند التحدي هاجسي مثل الإرهاب
والسلميه حلت قضايا كبيره
أقوى من الطب الحديثه والأعشاب
أفحص وأداوي للجروح الخطيره
طبيب نفسي هاجسي مخ وأعصاب
وأكبر محامي من وصل يستشيره
دكتور يعرف بالمرض وأيش الأسباب
خبره من الباري وفضله وخيره
يجمع فراق الشمل مابين الأحباب
بلسم يداوي للقلوب الأسيره
مطيع لانشن بنحو الهدف صاب
وزئرته مثل الأسد في زئيره
والأن بشرح قصتي بأمر الأصحاب
لي بالصحب قصه طويله كبيره
الصدق طبعي والصراحه والأداب
والراس شامخ مرتفع مثل صيره
درست للصحبه دراسه والأصحاب
عند الشدايد والأمور العسيره
كم شخص حبيته وأعزة وأهتاب
وأشاركه وقت الزعل والسريره
أخلصت له حبي وأنيت لاغاب
وإن غاب عني سرت عايش بحيره
وأختم صلاتي بالنبي خير الأحباب
شافع لنا من نار حامي سعيره؟

قالوا علامك __ قلم الشاعر / عصام علي السوادي

قالوا علامك ؟ قلت أبدا ولا شي
غير الوله و الشوق قطع فوادي

قالو علامك قد طواك الحزن طي
من كثر صده ماهنيني رقادي

قالو تحبه قلت مافاهمن شي
أحيان به مجنون واحيان عادي
لا شفت زوله مر من جانب الحي
ارتاح لا شفت غاية مـــــرادي
البارحه سهران لما اشرق الضي
سارح بحبه هايم ابكــل وادي
وهو مطنش لو عطاني بس اشوي
من نبع حبه كان اهنى الرقادي